Մարտական գործողությունները շարունակվում են (ԹԱՐՄԱՑՎԱԾ) 02.04.2016

Ղարաբաղա-ադրբեջանական հակամարտ զորքերի շփման գծի ամբողջ երկայնքով շարունակվում են ռազմական բախումները: Առավել թեժ մարտեր են ընթանում ռազմաճակատի վերածված առաջնային գծի հարավային եւ հյուսիսարեւելյան ուղղություններով:
Հիշեցնենք, ապրիլի 1-ի լույս 2-ի գիշերը եւ առավոտյան հակառակորդը շփման գծի ամբողջ երկայնքով ձեռնարկել է լայնածավալ նախահարձակ գործողություններ: կիրառելով տանկեր, հրետանի եւ օդուժ, փորձել է ներխուժել ԼՂՀ ՊԲ պաշտպանության խորքը եւ գրավել մարտավարական դիրքեր:Հայկական ստորաբաժանումները, իրականացնելով հստակ պաշտպանական մարտեր, անցել են հակահարձակման, հակառակորդին պատճառելով զգալի կորուստներ: ղարաբաղյան ուժերը շարքից հանել են հակառակորդի 3 տանկ, 3 զրահամեքենա, երկու ռազմական ուղղաթիռ եւ 2 անօդաչու թռչող սարք: